Serikali Yawaondoa Hofu Watalii Zanzibar

Serikali Yawaondoa Hofu Watalii Zanzibar

JAMHURI YA MUUNGANO WA TANZANIA

WIZARA YA MALIASILI NA UTALI

TAARIFA KWA UMMA

Tanzania ni Salama kwa Watalii

Kufuatia vitendo vya vurugu zilizozuka hivi karibuni katika maeneo kadhaa ya Mji wa

Zanzibar baada ya mitandao ya kimataifa imekuwa ikiripoti taarifa za kuwepo kwa hali

ya wasiwasi kwa watalii wanaotaka kuja kutembelea Visiwa hivyo.

Kama Waziri mwenye dhamana ya masuala ya Utalii, ningependa kuwahakikishia

wageni, ambao tayari wako nchini, na wale ambao wanajiandaa kuja, kuwa vurugu hizo

ambazo zimeshadhibitiwa na Serikali hazikuathiri utalii. Mjini Zanzibar pamoja na

maeneo ya vivutio vya utalii kote nchini.

Hadi hivi leo napotoa taarifa hii, amani imetawala Mji Mkongwe Zanzibar na hakuna

taarifa yoyote ya uharibifu wa maeneo ya vivutio vya utalii vya Zanzibar wala kuchomwa

kwa hoteli ama kudhulika kwa raia yeyote wa kigeni. Hivyo nasisitiza kuwa Zanzibar

nisehemu salama kwa watalii.

Vilevile, Siku chache kabla ya tukio la Zanzibar, kulikuwa na matukio manne ya watalii

kuporwa katika maeneo ya Masaki jijini Dar es Salaam. Uporaji huo ulitendwa na watu

waliokuwa kwenye magari au pikipiki ambao waliwapora watembea kwa miguu.

Serikali inawahakikishia wananchi na jumuiya ya kimataifa kuwa hayo yalikuwa matukio

ya pekee na ya kimataifa kuwa hayo yalikuwa matukio ya pekee na ya kupita na hatua

zimechukuliwa na Jeshi la Polisi kuongoza usalam kwa wakazi na watalii.

Nachukua fursa hii kuwahakikishia wageni kwamba kila juhudi zimechukuliwa

kuhakikisha kuwa usalama wa watalii unadumishwa pamoja na faraja wakati

watakapotembelea Tanzania.

Daima tukumbuke kuwa, Tanzania ni kisiwa cha amani na nchi imenuia kudumisha sifa

hiyo nzuri.

Karibu Tanzania.

Mhe. Lazaro Nyalandu

Naibu Waziri wa Maliasili na Utalii

30 Mei, 2012